Тавося июль 5 лунсянь регионса юралысьлысь удж вӧчысь Ростислав Гольдштейнлӧн индӧд серти Комиын виччысьтӧм лоӧмторъяскӧд йитӧдын неминуча-ускӧттьӧӧ веськалӧмаяслы да эмбурнысӧ воштӧмаяслы государствосянь сьӧма отсӧгсӧ шуӧма вичмӧдны 4,5 прӧчентӧн унджык.
Кыдзи юӧртісны республикаса удж, занятосьт да йӧзлы отсӧг сетан министерствоын, ӧти мортыслы ӧтчыдысь сетан материальнӧй отсӧгыс содас 15.000-сянь 15.675 шайтӧдз.
Быд лун колана мыйтакӧ эмбур воштӧмысь – 75.000-сянь 78.375-ӧдз, а став татшӧм эмбурсӧ воштӧмысь – 150.000-сянь 156.750 шайтӧдз.
Виччысьтӧм лоӧмтор дырйи пӧгибнитӧмалӧн да кувтӧдзыс доймалӧмалӧн семьяыслы ставныслы ӧтмындаӧн артыштӧмӧн ӧтчыдысь сетан 1 миллион 500 сюрс шайта пособиеыс содас 1 миллион 567 сюрс шайтӧдз.
Унджык кутасны сетны сьӧма отсӧгсӧ и доймалӧм йӧзлы. Вывті сьӧкыда либӧ сьӧкыда кӧ доймалӧма мортыс, мынтасны 627 сюрс шайт, воддза сертиыс 27 сюрсӧн унджык. Кокниа кӧ, пособиеыс содас 300.000-сянь 313.500 шайтӧдз.
Виччысьтӧм лоӧмторъяскӧд йитӧдын государствосянь сьӧма отсӧг босьтӧм могысь колӧ шыӧдчыны йӧзӧс социальнӧя доръян шӧринӧ, «Мои документы» МФЦ-ӧ либӧ «Госуслуги» портал пыр.
Гижӧдсӧ дасьтіс Александра АРТЕЕВА. Снимокыс ӧтуввезйысь.