Миянӧс бара на нимкодьӧдӧ Эжва районса «Шонді войт» библиотека. Кывлӧмаӧсь Удмуртияын дасьтӧм «Серпасалӧм мойд» уджтас йылысь да пырысь-пыр ышӧдӧмаӧсь ассьыныс ичӧт лыддьысьысьяссӧ пырӧдчыны конкурсӧ. Позьӧма серпасасьны индӧм дас нёль авторлӧн гижӧд серти, но Комиысь аньяс, дерт, бӧрйӧмаӧсь коми гижысьӧс.
Сизим котырӧн лыддьӧмаӧсь Анастасия Сукгоевалысь «Большая зима», «Зима на носу» да «Предновогодняя суета» кывбуръяс, а сэсся мичмӧдӧмаӧсь коді кыдзи кужӧма-сяммӧма. Артмӧма кӧкъямыс муса серпас. Мыччӧдам найӧс «Би кинь» лист бокын да ас пайысь ышӧдам тіянӧс, журнал судзӧдысьяс, серпасасьны коми авторъяслӧн гижӧдъяс серти. А уджъяснытӧ ыстӧй Би киньлы. Радпырысь йӧзӧдам!
Дасьтісны Алёна Лодыгина, Алёна Нестерова.
Лымъя мойд