Россияса томуловлӧн «Движение первых» ӧтмунӧмысь республикаса юкӧнӧ ӧтувтчӧмаӧсь водзмӧстчысь ныв-зон.
Тадзи донъяліс быдмысь войтырлысь зільӧмсӧ Владимир Уйба ӧтмунӧмкӧд йитӧд кутӧм кузя координационнӧй сӧветлӧн чукӧртчылігӧн.
А «Движение первых» котырса правлениеӧн веськӧдлысь Марат Закиров пасйис, мый Комиысь сизим уджтас лоис гранта конкурсын вермысьӧн. Найӧс збыльмӧдӧм вылӧ вичмӧдасны 6,7 миллион шайт.
Сідзжӧ нёльсё сайӧ ныв-зон шойччисны «Время первых» сменаын, 1,2 сюрсысь унджык челядь да налӧн бать-мам ордйысисны «Семейная команда» ворсӧмъясын, сё сайӧ ныв-зон ветлісны Россияса мукӧд регионӧ, тшӧтш и Крымӧ да Камчаткаӧ.
Ӧтмунӧмлӧн регионса юкӧнӧн веськӧдлысь Андрей Безносиковлӧн кывъяс серти, Комиысь квайт сюрс том морт пырӧдчӧ «Движение первыхлӧн» уджӧ.
<> Гижӧдсӧ дасьтiс Павел Симпелев.