Республикаын олысьясысь 98 прӧчентыс, кодъяслы тырӧма 14 арӧс, ӧні кежлӧ пасйысьӧмаӧсь нин государственнӧй да муниципальнӧй услугаяс ӧтувъя порталын. Тайӧ лыдпас сертиыс Россияса регионъяс пӧвстын Коми квайтӧд.
–Медым регионын олысьяс вермисны вӧдитчыны «Госуслуги» порталса позянлунъясӧн, уджалӧ власьт тэчасса вель уна морт, – висьталіс связь да массӧвӧй коммуникация министерствоӧн веськӧдлысьӧс вежысь Олег Белых.
Ӧтуввез пыр ӧні позьӧ ыстыны велӧдчанінъясӧ сэтчӧ пырӧм йылысь шыӧдчӧм, корны виччысьтӧм лоӧмтор дырйи сьӧма отсӧг да уна мукӧдтор.
Социальнӧй тӧдчанлуна государственнӧй да муниципальнӧй услугаяссӧ электроннӧй форматӧ вуджӧдӧны «Цифровая экономика Российской Федерации» нацпроект серти. <>
Гижӧдсӧ дасьтiс Павел СИМПЕЛЕВ.
Снимокыс ӧтуввезйысь.