Республикаса ичӧт сикт-грездӧдз вочасӧн воӧдчӧ ӧтуввез.
И сэні олысьяс оз нин кывны асьнысӧ «паськыд муысь» торйӧдӧмаӧн, мукӧд моз жӧ пыралӧны «Госуслуги» сайтӧ, гортсьыс петавтӧг ньӧбасьӧны интернет-лавкаясын. Татшӧм бур позянлунсӧ сетӧ налы «Россия Федерацияса лыдпаса экономика» нацпроект.
–Кольӧм во коліс лӧсьӧдны 14 станция, ӧні найӧ ставныс уджалӧны нин, – висьталіс регионын лыдпаса йитӧд сӧвмӧдан да юӧр сетан министерствоӧн веськӧдлысьлысь удж вӧчысь Виталий Осипов.
Сотӧвӧй йитӧдӧн могмӧдан станция лӧсьӧдӧмыс вужвыйӧн вежӧ ылі сиктъясса войтырлысь олӧмсӧ – луннас кӧть войнас позьӧ сёрнитны сотӧвӧй телефон пыр, ӧтуввезйын тӧдмавны выльторъяс, велӧдчыны и уджавны онлайнын. Сідз, таво тулыс Петруньын олысьяс ва ойдӧм-ямӧм йылысь юӧрсӧ вермисны аддзыны ӧтуввезйысь Интаса администрациялӧн сайтысь.
Комиын йӧзыс асьныс быд во бӧрйӧны, кутшӧм сиктӧ либӧ грездӧ медвойдӧр колӧ вайӧдны ӧтуввезсӧ. 2GӦ4G стандарта станцияяс сувтӧдӧны овмӧдчӧминъясын, кӧні олысьыс артавсьӧ сёсянь витсёӧдз. <>
Гижӧдсӧ дасьтiс Павел Симпелев.
Снимокыс ӧтуввезйысь.