Томлун – тайӧ бурас лача кутан да повтӧг водзӧ восьлалан, олӧмас ассьыд ин корсян кад.
Буретш тіян сайын, талун школаын велӧдчысьяс, студентъяс, том специалистъяс сайын, миян республикаса аскиа луныс. Буретш тіян зільӧм-водзмӧстчӧмӧн сӧвмӧ-дзоридзалӧ Россия.
Ӧнія ныв-зон окотапырысь пырӧдчӧны олӧмас, сяммӧны дорйыны ассьыныс видзӧдлассӧ, зільӧны босьтны зумыд бур тӧдӧмлун да сьӧлӧм сертиныс профессия. Ті петкӧдчанныд научнӧй конференцияясын да быдсикас олимпиадаын, нималана творческӧй конкурсъясын, шедӧданныд вермӧмъяс госслужбаын и бизнесын.
Миян республикаын унатор вӧчсьӧ, медым тіян вӧлі позянлун водзӧ сӧвмыны, ассьыныд дум-кӧсйӧм збыльмӧдны. Том йӧз вӧсна тӧждыс пыр вӧлі регионса государственнӧй политикаын медтӧдчана нырвизьясысь ӧтиӧн. Ми зілям отсавны ныв-зонлы збыльмӧдны дум-кӧсйӧмнысӧ олӧмас быд юкӧнын. Торйӧн кӧсъя пасйыны асланыс тшӧтшъяяслысь да регионын став йӧзлысь олӧмсӧ бурмӧдӧм могысь томулов парламентлысь зільӧмсӧ.
Аттьӧала тіянӧс ас водзаныд пуктӧм гырысь могъяс олӧмӧ пӧртӧмысь. Мед став бурыс да выльыс, мыйӧ пырӧдчанныд сьӧлӧмсяньыд, отсалас Коми Республикалы да миян страналы водзӧ сӧвмыны-дзоридзавны! Водзмӧстчӧй!
Сиа тіянлы быд бурсӧ да дзоньвидзалун! Праздникӧн!
Сергей Усачёв, Коми Республикаса Государственнӧй Сӧветӧн веськӧдлысь.