Коми Республикаса правительстволӧн чукӧртчылігӧн вӧчисны «Формирование комфортной городской среды» уджтас серти онлайн-гӧлӧсуйтӧмлы кывкӧртӧд.
Коми правительствоӧ пырысь Наталья Хозяиновалӧн висьталӧм серти, регионын ассьыс гӧлӧссӧ сетӧма 59.575 морт.
«Формирование комфортной городской среды» уджтасас индӧма 540 миллион шайт дон пелькӧдны таво 46 муниципалитетысь 72 йӧзаин, а сідзжӧ 50 олан керка ӧшинь. Тайӧ сьӧмсьыс 205,4 миллион шайтсӧ торйӧдасны федеральнӧй бюджетысь.
Тайӧ лунӧдз кырымалӧма 198 сёрнитчӧм, нёль контракт серти уджсӧ эштӧдӧма нин. Сыктывкарын пелькӧдӧма Карьернӧй улича да Эжваын Бумажникъяслӧн проспект дорысь кык йӧр, Емваын – семьяӧн шойччан парк, Кӧрткерӧс районса Мордінын – челядьлы ворсанін.
Наталья Хозяинова корис кар-районса администрацияясӧн веськӧдлысьясӧс «Формирование комфортной городской среды» уджтассӧ кутны син уланыс, мед ставсӧ, мый сэні урчитӧма, вӧлі вӧчӧма ас кадӧ да бура. <>
Дасьтiс Александра АРТЕЕВА.
Снимокъясыс ӧтуввезйысь.