Памятные даты военной истории России

Россияса военнӧй историяын вунӧдны позьтӧм лун. 1916 воӧ тайӧ лунӧ Николай Николаевич Юденичлӧн веськӧдлӧм улын Россияса войска босьтісны Турцияын Эрзурум крепосьт. Тышыс муніс дыр да сьӧкыда. Роч армия воштіс 64 офицерӧс да 2.275 салдатӧс. 336 офицер да 14.460 салдат ёна доймалісны. Смел да повтӧм салдатъяс босьтісны пленӧ вӧрӧглысь 34 дивизия. Вежон мысти Эрзурум крепосьтӧ воис […]

Россияса военнӧй историяын вунӧдны позьтӧм лун. 1989 воӧ тайӧ лунӧ Афганистанысь петкӧдісны Сӧветскӧй войска. Кык странаӧс юкан границасӧ медбӧрын вуджис генерал-лейтенант Борис Громов. Пограничникъяс видзисны суйӧрсӧ апрель тӧлысьӧдз на.

Россияса военнӧй историяын вунӧдны позьтӧм лун. 1945 воӧ тайӧ лунӧ Сӧветскӧй армия босьтіс Крепостнӧй гӧра да мездіс Венгриялысь юркар – Будапешт. Будапешт вӧсна тышъясын 108 лунӧн Советскӧй армия пасьвартіс вӧрӧглысь 56 дивизия да бригада. Вермӧмыс шедіс вывті ыджыд донӧн: миян армия воштіс 80.000 мортӧс, а доймӧмыс вӧлі нӧшта на уна – 240.000 салдат да офицер.

Россияса военнӧй историяын вунӧдны позьтӧм лун. 1904 воӧ тайӧ лунӧ Чемульпо бухтаын Японияса эскадракӧд повтӧма вермасисны «Варяг» крейсер да «Кореец» канонер пыж. Тышыс петкӧдліс Россияса матросъяслысь да офицеръяслысь повтӧмлунсӧ. Найӧ дасьӧсь вӧлі кувны чужан му вӧснаыс. Смеллунысь морякъяслы сетісны «Медаль за бой «Варяга» и «Корейца» 27 января 1904 года при Чемульпо» награда. Сідзжӧ налы сиисны […]

Россияса воинскӧй слава лун. Тайӧ лунӧ 1943 воын сӧветскӧй войска пасьвартісны фашистъясӧс Сталинград бердса тыш-косьын.

Россияса воинскӧй слава лун. 1944 воын сӧветскӧй войска мездісны блокада кытшысь Ленинград.

Россияса военнӧй историяын вунӧдны позьтӧм лун. 1945 воын сӧветскӧй войска мездісны фашистъясысь Варшава кар.

Россияса военнӧй историяын вунӧдны позьтӧм лун. 1945 воын сӧветскӧй войска панісны Висла-Одерса операция. Вӧрӧгысь вӧлі мездӧма Польшалысь вель ыджыд мутас. Сӧветскӧй войска мӧдӧдчисны Берлинлань.

Россияса военнӧй историяын вунӧдны позьтӧм лун. Тайӧ лунӧ 1878 воын пансис Шейново дорын чорыд кось. Роч войска пасьвартісны турокъясӧс.