Май 31 лунӧдз ӧтуввезса 11.gorodsreda.ru/ лист бокын позьӧ на бӧрйыны ас кар-посёлокысь йӧр либӧ улича, мед сійӧс «оланін да карса гӧгӧртас» нацпроектлӧн «Формирование комфортной городской среды» уджтас серти мичмӧдісны-пелькӧдісны 2024 воын.
Коді абу пасйысьӧма «Госуслуги» порталын, ассьыс видзӧдлассӧ вермас висьтавны волонтёръяслы.
Найӧс позьӧ аддзыны кар-районса администрацияяс да МФЦ дорысь, уна йӧза уличаяс вылысь.
Комиысь 36 сюрс сайӧ морт сетӧма нин гӧлӧссӧ вӧзйӧм комын вит улич-йӧрысь да вит дизайн-проектысь аслыныс медся коланаыслы.
Сыктывкарын татшӧм местаыс дас кӧкъямыс, Сосногорскын – нёль, Воркутаын, Интаын да Усинскын – быдлаын куимӧн, Ухтаын да Зӧвсьӧрт посёлокын – кыкӧн. Печораын да Емваын гӧлӧсуйтӧны дизайн-проектъяс вӧсна.
Кольӧм во республикаын олысьяс бӧрйылӧмаӧсь 24 места, на лыдын Сыктывкарысь Морозов уличабокса сквер, Гӧрд Затонын Великӧй Отечественнӧй войнаын тышкасьысьяслы мемориал, Усинскысь фонтан гӧгӧр, Емваысь семьяӧн шойччан да Печораысь геологъяслӧн паркъяс. Пелькӧдан-дзоньтасян уджсӧ сэні кутасны вӧчны таво. <>
Гижӧдсӧ дасьтiс Павел СИМПЕЛЕВ.
Снимокыс ӧтуввезйысь.