Тӧдмасьӧй, юркарысь Оксана Лытасова – том мам, кык во сайын (а сыӧдз уджавлӧма ичӧт классъясын велӧдысьӧн) босьтчӧма ас киӧн дасьтыны полимер сёйысь мичмӧдчанторъяс.
–Сёйысь вӧчасьнысӧ кыдзкӧ виччысьтӧг заводиті, – висьталӧ Оксана. – Декретын мӧдысь пукалігӧн нывъёрт вӧзйис: тэ пӧ вель бура пластилинӧн вӧдитчан, а мый эськӧ он видлы полимерсӧ? И ме «ӧзйи». Дзик пыр и ньӧби став коланаторсӧ, а кык вежон мысти нин пырӧдчи ас вӧчӧм исергаясӧн карса выставкаӧ.
А исерга бӧрын «чужӧма» брошка, подвеска да эпоксида сирысь уна мукӧд мичмӧдчантор. Оксана пыр водзӧ зільӧ-велӧдчӧ мыйкӧ выльӧс дасьтыны, нуӧдӧ Инстраграмын ассьыс блог, отсалӧ котыртны творческӧй фестивальяс.
Галина МАКАРОВА. Снимокыс Галина УСТИНОВАЛӦН.
Сёйысь… исерга да брошка