Ноябрь 3-12 лунъясӧ Россия Федерацияса национальносьтъяс кузя федеральнӧй агентство дас ӧтиӧдысь нин нуӧдас «Большой этнографический диктант» войтыркостса акция.
Россияын войтырӧс ӧтувтан воӧ тайӧ проектыс отсалас пыдісяньджык тӧдмасьны миян странаса войтырлӧн историяӧн, кыв-традицияӧн.
Коми Республикаын тайӧ диктантсӧ позьӧ гижны очнӧя да онлайн.
Та могысь ас му да чужан кыв радейтысьясӧс виччысьӧны Коми Республикаса войтырлӧн Ёртасян керкаын, томулов ресурс шӧринын да регионса Национальнӧй библиотекаын, а сідзжӧ кар-районса площадкаясын.
Дистанционнӧя тайӧс позяс вӧчны ӧтуввезйын проектыслӧн сайтын.
Таво дасьтӧма аслыспӧлӧс юалӧмъяс, кодъясӧс вӧзйӧмаӧсь торъя военнӧй операцияын служитысь-тышкасьысьяс, а сідзжӧ Россия Федерацияса регионъясысь уна сикас войтыр.
А сентябрь 30 лунӧдз быдӧн вермис вӧзйыны ассьыс юалӧмсӧ ӧтуввезйын «Большой этнографический диктант» сайтын «Предложить вопрос» юкӧнын и таысь босьтны аслыссикас козин.
* * *
Акциялы кывкӧртӧд вӧчасны Россия Федерацияса Конституция лунлы сиӧм декабрь 12 лунӧ.
<> Гижӧдсӧ дасьтіс Екатерина Микушева. Снимокыс ӧтуввезйысь.