Сыктывкарын вӧлі футзал кузя Коми Республикаса чемпионат.
Вит лун регионса кар-районысь 15 команда вермасис медальяс вӧсна.
Финалӧдз воисны Ухтаса да Печораса сборнӧйяс. Мӧд таймас водзӧ петісны ухтаса. Печораса футболистъяс эськӧ и водзсасисны, но та дырйи налӧн воротаӧ веськаліс нӧшта кык мач.
4:1 тшӧтӧн вермис Ухтаса команда. Печорасалӧн – эзысь. Бронза вичмис юркарса футболистъяслы. Коймӧд места вӧсна матчын Сыктывкарса команда паныдасьліс Кӧрткерӧс ра-йонсакӧд да вермис 3:0 «кос» тшӧтӧн.
Чемпионатса медбур ворсысьясӧн лоисны Сергей Кравцов (Ухта), Роман Петров (Сыктывкар), Семен Цыба (Ухта), Леонид Першин (Кӧрткерӧс район) да Сергей Страшков (Печора).
<> Гижӧдсӧ дасьтiс Николай Размыслов. Снимокыс ӧтуввезйысь.
Ставнысӧ вермис Ухта