Гижан кӧ кывбур либӧ проза да он пыр профессиональнӧй гижысь котырӧ – тайӧ юӧрыс дзик тэныд.
Юркарса коми культура шӧрин, карса администрация да Сыктывкарса «Коми войтыр» бара на йӧзӧдӧны гижысьяслы «Ас йӧз» творчествоа конкурс. Сійӧс нуӧдӧны мӧдысь нин, медводдзаыс вӧлі 2023 воын.
Гижӧдъяссӧ чукӧртӧны сентябрь 30 лунӧдз. Коми да роч кывбур-висьтъяс колӧ ыстыны komikultura@mail.ru электроннӧй адрес серти, быть пасйыны «Ас йӧз» конкурс».
Стӧчмӧдам, конкурсӧ вермасны пырӧдчыны 14-сянь томулов да верстьӧ.
«Ас йӧз» конкурсын нёль нимпас: коми кывбур, роч кывбур, коми проза да роч проза. Позьӧ весиг гоз-мӧд гижӧд ыстыны – и кывбур, и проза.
Став гижысьыслы вичмас диплом, а вермысьлы нӧшта козьналасны сьӧма сертификат.
Стӧч юӧрла позьӧ шыӧдчыны 8 (8212)21-68-20 телефон номер пыр.
<> Гижӧдсӧ дасьтіс Екатерина МИКУШЕВА.