Воис Ыджыд война вылысь гортас и Иван Васильевич Филиппов.
Чужлӧма сійӧ Изьва районса Устье сиктын крестьяна семьяын. Мамыс, Улита Ивановна, быдтӧма нёль чоя-вокаӧс: Ӧндрейӧс, Иванӧс, Ӧлексейӧс да Ульянаӧс.
Василий айныс (вичсӧ оз бура помнитны) ветлӧма I мирӧвӧй война вылӧ, локтӧма Георгиевскӧй крестъясӧн. Гражданскӧй война дырйи гӧрдъяс дор вӧлӧма, сюрӧма пленӧ да пӧгибнитӧма Мудьюг ді вылын.
Геройӧн вӧлӧма айыс, геройӧн лоис и пиыс.
Салдат Иван Филипповлысь коляссӧ аддзӧмаӧсь поискӧвикъяс Мурманск об- ласьтысь. Куйлӧ пӧ салдат нитш улын, шынель зептас — медальон, а сэні — гижӧда кабала.
Иван Филиппов мунӧма служба вылӧ 1939 воӧ, веськалӧма саридзса пехотаӧ. Война дырйи 10-ӧд стрелкӧвӧй дивизияын вӧлӧма пулемётчикӧн. Сьӧкыдсьыс-сьӧкыд тыш-кось мунӧма 1941 воын Балтикасянь Сьӧд саридзӧдз.
Айму вӧсна тышын Иван Васильевич пуктӧма юрсӧ 1941 вося декабрь 30 лунӧ 263,5 высотаын. А сылы сӧмын на кызь нёль арӧс вӧлӧма.
Сылӧн рӧдысь Вера Германовна висьталӧ, мый бабыс, Акулина Александровна, зэв тшӧкыда казьтылӧма Иванӧс, шулывлӧма: «Воас кӧ Ӧлексей мужикӧй (война вылысь демобилизуйтчӧм бӧрын сійӧ абу локтӧма гӧтырыс дорӧ), то сійӧс некыдз ог примит, а вот Иванӧс зэв бура вочаала». Иван вӧлӧма шань да бур мортӧн.
Ме ёна радейта ассьым прапрадедӧс, кӧть и эг аддзыв сійӧс. Кор кыла сы йылысь, сьӧлӧмӧй пыр и вӧрзьӧ. Прапрадед, тэ менам герой! Муӧдз копыр тэныд, салдат!
<> Илья Филиппов.