Тӧдам да некор ог вунӧдӧй

Кӧрткерӧс районысь Ыджыдвидз сиктса ветеран сӧветын водзмӧстчысьяс казялӧмаӧсь, томулов пӧ Великӧй Отечественнӧй война йылысь унатор нин оз тӧдны. И Ыджыд Вермӧмсянь 75 во тырӧм водзвылын дасьтӧмаӧсь юалӧмъяс да вӧзйисны йӧзӧдны найӧс «Коми му» газетӧ.

Тайӧ збыльысь ошкана мӧвп: Победа лун водзын казьтыштны миян историяысь тӧдчана лоӧм-торъяс. И кӧсъям таво Айму вӧсна ыджыд тышын Вермӧмсянь 80 во тырӧмкӧд йитӧдын бара йӧзӧдны тайӧ юалӧмъяссӧ «Коми му» газетын. Ӧткымын юалӧм дорӧ вайӧдӧма некымын вочакыв, на пиысь колӧ бӧрйыны стӧчсӧ. Мукӧд вылас ветеранъяс корӧны мӧвпыштны аслыныд.

1. Кымын лун да вой Ленинград вӧлi вӧрӧг кытшын (блокадаын)?

1. 682 (ылӧсас 700).
2. 772 (ылӧсас 800).
3. 872 (ылӧсас 900).

2. СССР-са кымын карлы сетлiсны «Кар-герой» ним?

1. Дас ӧтилы.
2. Дас куимлы.
3. Дас витлы.

3. Медвойвывса кар-герой:

1. Мурманск.
2. Ленинград (Санкт-Петербург).
3. Смоленск.

4. Мый сiйӧ «Олӧм туйыс» («Дорога жизни»)?
5. Кодi юӧртiс радио пыр Великӧй Отечественнӧй война заводитчӧм йылысь?

1. Юрий Никулин.
2. Юрий Левитан.
3. Юрий Соломин.

6. Кор ми пасъям Аймуса Герой лун?

1. Декабрь 9 лунӧ.
2. Январь 9 лунӧ.
3. Февраль 9 лунӧ.

7. Кутшӧм ань нимӧн шулiсны ракетаӧн лыйсян установка?

1. «Катюша».
2. «Любаша».
3. «Валюша».

8. Кутшӧм нима Болгарияын сӧветскӧй салдатлы сиӧм памятник?

1. «Илюша».
2. «Ванюша».
3. «Алёша».

9. Кодi думыштiс-вӧчис мирас медся бур стрелкӧвӧй ӧружие? Конструкторыслы кыкысь сетлiсны Социалистическӧй Уджвывса Герой ним.

1. Алексей Мересьев.
2. Иван Кожедуб.
3. Михаил Калашников.

10. Кутшӧм подвиг вӧчис Александр Матросов?
11. Кымын грамм нянь сетлiсны Ленинградын олысьлы блокадалӧн медся сьӧкыд тӧлысьясӧ?

1. 125 грамм.
2. 300 грамм.
3. 500 грамм.

12. Кыдзи шусьылiс ӧнiя Волгоград кар Айму вӧсна Ыджыд тыш воясӧ?

1. Петербург.
2. Сталинград.
3. Калининград.

13. Тайӧ каръяссьыс бӧрйӧй ӧтиӧс, кодлӧн абу  «Кар-герой» ним:

1. Москва.
2. Ленинград (Санкт-Петербург).
3. Киев.
4. Минск.
5. Одесса.
6. Брестса крепосьт.
7. Севастополь.
8. Керчь.
9. Новороссийск.
10. Ярославль.
11. Волгоград (Сталинград).
12. Смоленск.
13. Тула.
14. Мурманск.

14. Кымын лун гӧрд армеечьяс дор-йисны Брестса крепосьт?

1. 10 лун.
2. 20 лун.
3. 30 лун.

15. Кытчӧ 1941 воын эвакуируйтлiсны Эрмитажын петкӧдланторъяссӧ?

1. Саратовӧ.
2. Сыктывкарӧ.
3. Свердловскӧ.

16. Кутшӧм воясӧ мунiс Айму вӧсна Ыджыд тышыс?

1. 1941-1945 воясӧ.
2. 1940-1944 воясӧ.
3. 1942-1946 воясӧ.

17. Кымын лун да вой кыссис Великӧй Отечественнӧй война?

1. 1318 лун да вой.
2. 1418 лун да вой.
3. 1518 лун да вой.

18. Сержантлӧн ов серти Сталинградын шуӧны керка, кодӧс сӧветскӧй салдатьяс дорйисны некымын тӧлысь чӧж.Кыдзи шусьӧ керкаыс?

1. Поповлӧн керка.
2. Павловлӧн керка.

19. Вӧвъяс кындзи кутшӧм пемӧсъяс восьлалiсны Гӧрд площадьтi 1945 воӧ Победа парад дырйи?
20. Кодӧн вӧлi Рихард Зорге? Кулӧм бӧрас сылы сетлiсны Сӧветскӧй Союзса Герой ним.

1. Сӧветскӧй пулемётчикӧн.
2. Сӧветскӧй разведчикӧн.
3. Сӧветскӧй лётчикӧн.

21. Мый тӧдчӧдӧны Георгиевскӧй лентаын сьӧд да оранжевӧй рӧмъясыс
22. Великӧй Отечественнӧй война. Висьталӧй, мыйла – Великӧй, мыйла – Отечественнӧй?
23. Мый вужвыйӧн вежис Айму вӧсна Ыджыд тыш мунанногсӧ?

1. Москва вӧсна тыш.
2. Ленинградса блокада.
3. Сталинград вӧсна тыш.

24. 1943 вося январын Ленинградӧ вайисны нёль вагон тыр гортса пемӧс, 1945 воын – нӧшта вит сюрс. Кутшӧм пемӧс йылысь мунӧ сёрниыс?

<>  Дасьтіс Анна Александровна ПОПОВА.