Йошкар-Оласа «Чудо-Кони» комплексын нуӧдісны конкур кузя вермасьӧм.
Комиысь петкӧдчисны вӧла спорт кузя спортшколаса да «Аврора» шӧринысь быдтасъяс. Налы паныд вермасисны Чувашияысь да Марий Элысь тшӧтшъяяс.
Медводдза лунас спортшколаысь Ульяна Захарова Айзис вӧлыскӧд шедӧдісны зарни. Мария Чурбанова Эва Грандакӧд босьтісны эзысь, а Оксана Некрасова тайӧ жӧ вӧлыскӧд – бронза.
Мӧд лунас Ульяна Захарова шедӧдіс нӧшта зарни, а Юлия Андреева да Ксения Гущина Фрау Хайзе вӧвкӧд – эзысь медальяс. Мария Чурбановалӧн да Эва Грандалӧн та пӧрйӧ – бронза.
«Аврораысь» нывъяс шедӧдісны сизим зарни, кык эзысь да сы мында жӧ бронза.
Аврора Денисова да Соня Казимирова Шанталь вӧлӧн шедӧдісны кык зарниӧн. Галина Политова Казбеккӧд босьтіс кык эзысь да ӧти бронза. Аня Якуничкина Алма вӧвкӧд содтӧмаӧсь куим зарни да ӧти бронза медаль.
Комиысь спортсменъяслӧн ставыс ӧкмӧма 18 медаль: ӧкмыс зарни, вит эзысь да нёль бронза. <>
Гижӧдсӧ дасьтiс Николай Размыслов.
Снимокъясыс ӧтуввезйысь.