Журнал йылысь
«Йöлöга» — коми том войтырлöн журнал
«Йöлöга» журнал — Коми Республикаса том войтырлы коми кывъя дзик öти петас. Уна рöма, дас квайт лист бока газет петö вежоннас öтчыд, пекничаö.
«Йöлöгалöн» медводдза номерыс петіс 1991 вося октябрь 15-öд лунö. А сыöдз «Югыд туй» газетын йöзöдлісны коми томуловлы «Йöлöга» лист бок.
«Йöлöга» журналлӧн чужöмбаныс унаысь вежсьыліс, вежсьыліс и ыдждаыс, петавліс и сьöда-еджыдаöн, а öні со уна рöма да мича, любö киад босьтны.
Сьöкыд вöлöма заводитны кывкутана уджсö. «Йöлöга» журнал дасьтöмын медводдза воськовъяссö вöчис Валентина Васильевна Иванова – медводдза редактор, öнi челядьлы гижысь.
Ыджыд пай журнал сöвмöдöмö пуктіс Александр Павлович Юдин. Сы бöрын редакторавны босьтчис Виктория Вячеславовна Пименова. Сы дырйи «Йöлöга» газетлöн чужöмбаныс вежсис: кутіс петны уна рöмаöн, чужисны выль рубрикаяс.
Öні «Йöлöга» журналӧн веськöдлö Мария Александровна Игушева. Медшöр могыс сылöн – кыпöдны том йöз пöвстын коми кыв, коми йöзлöн традиция да культура дорö пыдди пуктöмсö, отсавны том гижысьяслы сöвмöдны енбиалуннысö. А сідзжö водзö сöвмыны, дасьтыны выль рубрикаяс да конкурсъяс, ышöдны том йöзöс лыддьыны коми кывъя газет.
Енэжтассö кö мичмöдöны кодзувъяс, чужан мунымöс нимöдöны енбиа йöз. Кызьысь унджык вонад «Йöлöгаын» уджавлісны матö 40 морт, и унаöн на пöвстысь öні нималана гижысьяс, журналистъяс, весиг артистъяс. «Йöлöга» журналын ассьыс гижан сямсö восьтöма, миян войвывса дзоридзным, радейтана народнöй артистка Лидия Петровна Логинова. Нималана да пыдди пуктана журналистъяс Павел Симпелев, Виктория Чугаева, Елена Плетцер уна во жö тані зілисны, мичмöдісны асласныс гижöд-статьяöн «Йöлöгалысь» лист бокъяс. «Дöмас Öльöш велöдö» рубрика нуöдіс нималана драматург, «Би кинь» журналöн веськöдлысь Алексей Попов. Буретш «Йöлöгаын» гижан сямсö восьтіс «Коми йöзöдчан керкаын» директорöс вежысь Ганна Холопова.
Öні журналын зільöны-водзмöстчöны том нывъяс — Екатерина Микушева, Антонина Микушева, Надежда Пунегова да Мария Игушева.
Журнал нималö оз сöмын Коми муын, сійö топыда ёртасьö тшöтш и финн-йöгра войтырлöн газет-журналкöд. Торйöн татшöм ёртасьöмыс артмö мариечьяскöд, удмуртъяскöд да перым-коми газет-журналын зільысьяскöд.
«Йöлöга» журнал ёртасьö республикаса став велöдчаніныскöд, окотапырысь гижö водзмöстчысь том йöз йылысь, а тшöтш и на йылысь, кодъяс зільöны чужтыны челядь сьöлöмъясын коми кыв дорö муслун.
О журнале
«Йöлöга» — журнал для коми молодёжи
Коми республиканский журнал «Йöлöга» — единственное издание на коми языке для молодёжи. Цветной журнал форматоа А4 и объёмом 48 полос выходит один раз в месяц.
Первый номер «Йöлöги» вышел 15 октября 1991 года. А до этого на страницах газеты «Югыд туй» публиковалась страничка на коми языке «Йöлöга» для молодёжи.
Нелегко было в те годы взяться за столь ответственный проект. Огромную работу по созданию газеты проделала Иванова Валентина Васильевна — первый главный редактор, детская писательница. Большой вклад в развитие газеты вложил Юдин Александр Павлович. После него руководство взяла в свои руки Пименова Виктория Вячеславовна. При ней изменились и содержание, и оформление газеты, издание стало выпускаться в цвете.
В настоящее время молодёжную газету «Йöлöга» возглавляет Игушева Мария Александровна. Главные задачи в её работе — популяризация коми языка, культуры и традиции коми народа среди молодёжи, поддержка талантливых молодых авторов, а также открытие новых рубрик, организация и проведение творческих конкурсов.
За время существования издания коллектив постоянно обновлялся талантливыми журналистами, среди них Иван Белых, Павел Симпелев, Виктория Чугаева, Елена Плетцер. Даже народная артистка Республики Коми Лидия Логинова и драматург, главный редактор журнала «Би кинь» Алексей Попов внесли свой вклад в развитие газеты. Заместитель директора «Издательского дома Коми» Холопова Ганна Владимировна также начинала свой путь в журналистике в «Йöлöге».
В настоящее время в редакции трудятся молодые журналисты: Екатерина Микушева, Антонина Микушева, Надежда Пунегова и Мария Игушева.
Журнал «Йöлöга» известен не только в Республике Коми, но и за её пределами. Издание поддерживает дружеские связи с финно-угорскими СМИ.
Также журнал сотрудничает с образовательными учреждениями республики. Регулярно публикует материалы об инициативной, талантливой молодёжи и людях, которые вносят большой вклад в сохранение и развитие коми языка.